white_info.png

PUBLIC INFORMATION

 

 

2nd Liga Pasada Basketball Cup sa Panabo, Gisugdan Na!

Panabo City, Davao Del Norte- Gisugdan na niadtong Miyerkoles, Agosto 30, nila Mayor James G. Gamao ug Bise Mayor Janrey G. Gavina ang 2nd Liga Pasada Basketball Cup didto sa ARF covered court sa Barangay New Pandan nga gisalmotan sa 16 ka team sa nagkadaiyang Tricycle Operator’s & Driver’s Associations sa dakbayan.

Atol sa opening program, gipahinumdoman ni Bise Mayor Janrey Gavina ang matag team nga ipatigbabaw ang sportsmanship aron nga mamahimong masadya ug malingaw ang mga players ug dumuduong sa maong paliga.
Midaog sa unang padula ang Carmen-Panabo Tricycle Operators & Drivers Assn. (CAPATODA) batok sa Kasilak Tricycle Operators & Drivers Assn.(KATODA) sa score nga 36-29. Ang premyo sa mamahimong champion P8,000, first runner-up P6,000, second runner-up P4,000 ug P2,000 alang sa third runner-up. Ang Liga Pasada usa sa mga sports program ni Mayor James G. Gamao ug Vice Mayor Janrey G. Gavina nga gipasiugdahan sa City Sports Office.
Tumong sa maong padula nga mahatagan ug kahigayonan nga magkahimamat ang matag draybers bisan sa ilang kabisi sa pagpamasahero ug ila usab nga mapalambo ang ilang hilig sa sports labi na sa dulang basketball.
June G. Geraldo-CIO Panabo

Please publish modules in offcanvas position.

Free Joomla! template by Age Themes